Errezetak RSS Txokoa kudeatu
Lagatzu
94 Urdaiazpiko eta tomate budina

 Osagaiak:

     – 200 g tomate heldu
     – 4 arrautza
     – 2 urdaiazpiko xerra
     – esnea
     – gurina
     – azukrea
     – gatz apurtxo bat
     – cherry tomate batzuk,
         apaingarri ipintzeko
Prestatzeko era:
     Tomateak garbitu eta zuritu. Azukre apurtxo bat egin eta irabiagailua erabili, purea egiteko. Arrautza-gorringoak tomate purearekin nahastu.
     Arrauntza zuringoak elur-punturaino irabiatu eta albo batean utzi. Urdaiazpiko xerrak txikitu eta haiek ere albo batean utzi. Banakako flan-ontzi batzuk gurinaz igurtzi.
     Purea zartaginean ezarri eta sutan eduki. Arteetan denbora osoan eragin. Elur-punturaino irabiatu diren zuringoak, gatza eta piperra gehitu. Ondoren, urdaiazpiko txikitua eta zorrotada bat esne bota. Eragin.
     Hura guztia flan-ontzi prestatuetan ezarri. Labea 180ºC-tan berotu. Tenperatura horretan dagoenean, flan ontziak sartu eta bertan eduki, gatzatu arte.
(Aikor! 44) 2005eko abendua
Noiz: 2009 /07 /03 | Erantzunak(0) | Etiketak:
Hedatu: Zabaldu Zabaldu    Bildu Bildu    Del.icio.us Del.icio.us
93 Zirikilote-pasteltxoak
Osagaiak:
     – 250 g koipe
     – 2 kilo irin
     – 6 arrautza-gorringo
     – 750 g azukre
     – limoi birrindurak
     – zorrotada txiki bat jerez
 		Prestatzeko era:
     Koipea, arrautzak, azukrea, limoia eta ardoa nahastu, orea ondo egin arte. Biribiltxo meheak egin eta zirikilotez edo aingeru-ilez bete. Arrautzaz pintatu eta labean egin su ertainean.
(Aikor! 44) 2005eko abendua
Noiz: 2009 /07 /03 | Erantzunak(0) | Etiketak: postrea
Hedatu: Zabaldu Zabaldu    Bildu Bildu    Del.icio.us Del.icio.us
92 Sagar-zopa hotza, curryarekin
        
Osagaiak:
     – sagar gorri bi
     – arrautza-gorringo handi bi
     – limoi ura (limoi erdia)
     – gurina (intxaur baten tamainako puska)
     – koilarakada bat curry
 		     – tipula bat
     – baso erdi esnegain
     – hiru baso barazki-salda
     – eskukada bi berro
Prestatzeko era:
     Tipula zuritu eta zatitu; sagarretariko bat ere xaflatan ebaki.
     Gurina urtu eta tipulari frijitu arin bat eman, gorritu arte.
     Horri sagar zuritua, salda eta currya gehitu eta irakiten jarri.
     Irakiten hasten denean, tapa ipini eta 20 minutuan egosi su motelean.
     Apur bat hozten utzi eta puregailutik pasatu edo irabiagailuaz xehatu; gatzaz eta piperraz ondu eta esnegainarekin nahasitako arrautza-gorringoak zopari gehitu.
     Minutu batzuk su motelean eduki eta eragin, harik eta zopa loditu arte.
     Zopa-ontzi batera bota eta hozkailuan gutxienez hiru orduan hozten utzi.
     Beste sagarra zuritu eta dadotan ebaki. Kaiku txiki batean limoi urarekin ipini, ez dadin ugertu. Mahaira atera baino lehen, sagar-dadoak eta berroak zopara bota eta eragin. Jateko prest dago.
(Aikor! 44) 2005eko abendua
Noiz: 2009 /07 /03 | Erantzunak(0) | Etiketak: zopa
Hedatu: Zabaldu Zabaldu    Bildu Bildu    Del.icio.us Del.icio.us
91 Zigalak, kanelarekin, barazkien eta alkatxofa-kurruskariaren gainean
Aretxarte hotela (Zamudio)
Osagaiak 4 lagunentzat:
     – 8 zigala
     – 4 alkatxofa
     – Kipula bat
     – Piper berde bat
     – Piper gorri bat
     – Kanela-hautsa
     – Berakatz txikitua
     – Pipermina
Prestatzeko era:
     Zigalei burua eta haginak kenduko dizkiegu: alde batetik,haginak egosi eta gorde egingo ditugu; bestetik, buztanei azala kenduko diegu kontu handiz, buztanaren amaierako zatia kendu gabe utzita. Barazkiak juliana erara zatitu eta gorrituko ditugu.
     Alkatxofak luzetara zatituko ditugu, lamina ahalik eta finenak eginez. Gatza egin, irinetatik pasatu eta olio oso beroan frijituko ditugu.
     Beste alde batetik, olio apur batean berakatz txikitua eta pipermina jarriko ditugu. Gorritzen hasten direnean, zigala-buztanak bota, apur bat gorritu eta kanela-hautsa zabalduko dugu. Erretilu batean jarri eta labera sartuko ditugu, egiten amaitzeko.

Platera aurkezteko modua:
     Plater batean lau alkatxofa lamina ipiniko ditugu, loreirudia eginez. Barazki-multzo bat ipiniko dugu gainean, baita zigala bi ere (aspa bat eginez). Zigala-haginak alboan jarriko ditugu, platera
(Aikor! 43) 2005eko azaroa
Noiz: 2009 /07 /03 | Erantzunak(0) | Etiketak: mariskoa
Hedatu: Zabaldu Zabaldu    Bildu Bildu    Del.icio.us Del.icio.us
90 Arroza ortuariakaz
Mari Tere Onaindia
Prestatzeko era:
     Ipini kinpulea eta berakatza oriotan. Apur bat egiten danean bota piper berdeak txikituta eta tomatea (gordina, edo egina txorrostada bat). Bigunduten danean bota azanoria tira me-meheak eginda eta arroza. Dana nahastau eta bota litro bat ur baino gehitxoago. Irikiten hasten danean egin gatza eta bota iderrak eta alkatxofak. 15 minutuan irikiten euki eta beste bost bat minutu geldi-geldi jalkiten edo erreposetan, tapauta. Eta on egin! 		Osagaiak (5 lagunentzat):
     – Kilo erdi arroz
     – Kinpula bat
     – Berakatz atal bi
     – Azanoria bi
     – Piper berde bi
     – 6 alkatxofa
     – 100 g. ider
     – Tomate bat
     – Oliba orioa
     – Gatza
(Aikor! 43) 2005eko azaroa
Noiz: 2009 /07 /03 | Erantzunak(0) | Etiketak: arroza
Hedatu: Zabaldu Zabaldu    Bildu Bildu    Del.icio.us Del.icio.us
89 Tolosako teilak
www.sukaldeon.org
Osagaiak:
     – 450 g. glas azukre
     – 450 g. almendra xehatu
     – 7 arrautza
     – 250 g. irin

      		Prestatzeko era:
     Nahastu azukrea eta arrautzak, bota almendra eta irina, eta landu orea. Igurtzi olioz labeko plaka eta sartu orea gozogintzarako mangeran. Jarri ore-bolatxoak plakan, eta zapaldu eskuarekin (bustita egon behar du eskuak). Erre labean 200 gradutan, eta gorritutakoan, atera. Erabili botila bat teilari forma emateko.
(Aikor! 42) 2005eko urria
Noiz: 2009 /07 /03 | Erantzunak(0) | Etiketak:
Hedatu: Zabaldu Zabaldu    Bildu Bildu    Del.icio.us Del.icio.us
88 Espagetiak Baliko erara
www.sukaldeon.org
Osagaiak (bi lagunentzat):
     – Espageti finak
     – Tipulin handi bi, xerratan ebakiak
     – Apio adar bi, piper berde bat eta piper gorri bat (juliana eran ebakia)
     – Pipermin bi
     – Tamari (soja saltsa)
     – 200 g. ganba (txikituta)
     – Olioa
     – Gatza
Prestatzeko era:
     Jarri sutan lapiko handi bat gatz apur batekin, eta egosi espagetiak “al dente” egon arte. Erregosi barazki guztiak eta piperminak zartagin batean, eta, eginda daudenean, bota Tamari saltsa, nahi beste. Gehitu espagetiak eta eragin ondo osagai guztiak behar legez nahastu arte. Azkenik, frijitu ganbak eta bota espagetiei.
(Aikor! 42) 2005eko urria
Noiz: 2009 /07 /03 | Erantzunak(0) | Etiketak: pasta
Hedatu: Zabaldu Zabaldu    Bildu Bildu    Del.icio.us Del.icio.us
87 Kantxantxara
Zerurena jatetxea (Sondika)
Osagaiak:
     – Limoi baten zukua
     – Ezti koilarakada bi
     – Kaña-pattar txorrotada ederra
     – Izotzak eta ur minerala (gas bakoa)
Prestatzeko era:
     Edalontzi zabal batean (kantxantxara Kubako edaria da eta bertan lupetzaontzi batean edota koko azalean egiten da) eztia eta limoia nahastuko ditugu koilara batekin, dena bat egin arte. Ondoren, pattar txorrotada bat bota (bakoitzak nahi duen beste) eta azkenik, izotzak eta ura gehituko ditugu, edalontzia ia bete arte. Eta badugu dastatzeko prest.
     Edari freskagarria da eta osasunerako guztiz onuragarria, bere osagaien ezaugarriak direla-eta. Osasuna denentzat! Hala izan dadila!
(Aikor! 41) 2005eko iraila
Noiz: 2009 /07 /03 | Erantzunak(0) | Etiketak:
Hedatu: Zabaldu Zabaldu    Bildu Bildu    Del.icio.us Del.icio.us
86 Krepak
Mari Tere Onaindia
Osagaiak:
     – 50 gr. maizena
     – 150 gr. urun
     – Sobre erdi legamia
             (lebadura)
     – 4 arrautza
     – 3 koilarakada olio
     – 150 cl. ur
     – 150 cl. esne
     – 50 g. azukre
     – Limoi azala
     – Gatz apur bat
Prestatzeko era:
     Ura, limoia eta esnea izan ezik, beste osagai guztiak nahastu. Apurka-apurka ura eta esnea bota, orea (masea) eginda egon arte –behar izanez gero, erabili minipimerra pikorik (grumorik) ez izateko-. Eta ondoren, limoi azala bota.
     Frijiduteko zartagina gurinagaz (mantekilleagaz) untau eta jarri bertan orea. Krepak gura dozunagaz bete ditzakezu: janari gaziekaz zein gozoakaz (pernila, txokolatea, marmelada...). On egin!
(Aikor! 41) 2005eko iraila
Noiz: 2009 /07 /03 | Erantzunak(0) | Etiketak:
Hedatu: Zabaldu Zabaldu    Bildu Bildu    Del.icio.us Del.icio.us
85 Marrubiak laranja-uretan
www.sukaldeon.org
Osagaiak:
     - Marrubiak
     - 3 laranjen zukua
     - Azukrea
     - Koilarakada txiki 1
        sagar-ozpin
 		Prestatzeko era:
    Marrubiak garbitu, eta xerratan ebakiko ditugu. Erretilu batean gordeko ditugu. Azukrea eta laranja-ura nahastu, eta koilarakada txiki bat sagar-ozpin botako dugu. Nahasketa hori ondo irabiatu, eta marrubiei gehituko diegu. Jan aurretik, jalkitzen utziko dugu.
(Aikor! 40) 2005eko uztaila
Noiz: 2009 /07 /02 | Erantzunak(0) | Etiketak: postrea
Hedatu: Zabaldu Zabaldu    Bildu Bildu    Del.icio.us Del.icio.us
12345678910Hurrengoak >
Etiketak
arraina arroza barazkiak entsalada karakolak lapikokoa mariskoa okela onddoak pasta postrea tortila txarrikia txokolatea zopa
Bilatu

Honi Buruz
Aikor! aldizkarian agertutako errezetak aldizkaria sortu zenetik. Apurka-apurka joango gara sartzen
© Lagatzu 2008