AEK-k 2009ko martxoaren 26an Tuteran hasi eta apirilaren 5ean Gasteizen bukatuko den Korrika 16ren ardatz nagusiak eta “Korrika Laguntzailea” kanpaina aurkeztu ditu gaur Bilbon egin duen prentsaurrekoan.
Mezua
[ongi etorri. interj. Etorri berria abegitsu hartzen dela adierazteko esapidea]
Hizkuntza bat galtzeko arriskuan dagoenean, hizkuntza hori salbatzeko lehenengo baldintza berau dagoen herriak berreskuratu nahi izatea da. Euskararen kasuan, herriak sarri erakutsi du euskara berreskuratu nahi duela. Korrika, hain zuzen ere, borondate horren adierazpen grafikoa da. Baina nahi izatea ez da nahikoa. Gure mezua, gure ongietorria, harago doa. Herritarren borondateari atxikirik, Korrika 16ra etorri ez ezik, Korrikan azaleratuko den nahiari kasu egiteko deia luzatu nahi diegu Euskal Herriko norbanako, erakunde eta administrazio guztiei. Erakunde eta administrazioek euskararen normalizazioa bultzatzea nahi dugu, euskaldunok leku guztietan (lantokian, kalean, etxean,…), euskara erabiltzea nahi dugu, eta euskaldundu nahi dutenek euskara ikastea nahi dugu. Euskarak, Korrikak bezala, pausoa arin eta gelditu gabe egin behar du aurrera, aurreraka ez doana atzeraka hasteko arriskua baitago. Eta horretarako denok parte hartzea derrigorrezkoa da. Korrikan bezala, lekukoa lurrera eror ez dadin, esku guztiak dira beharrezko.
Euskaldunok ongietorria egiten diegu gure herrira, gure etxera, gure artera datozen lagunei. AEK-k berdin egin nahi du Korrika 16rekin: ONGI ETORRI! handi bat luzatu nahi die euskararen berreskurapenean lagundu behar duten erakunde guztiei, euskalgintzan dabiltzan guztiei, euskaltzale guztiei, euskaldunei eta euskaldundu nahi duten guztiei, bertokoei eta kanpotik datozenei.

Ongi etorri Korrikara!
Ongi etorri euskaraz bizi nahi dugunon herrira!
Ongi etorri euskaraz gozatzeko, lan egiteko, maitatzeko, saltzeko eta erosteko, negar egiteko, jolasteko… hautua egin dugunon herrira!
Ongi etorri euskaraz bizi nahi dugunon artera!

Dagoeneko KORRIKAko 16. edizioko lanak martxan ditugu.
Laster aurkezpena egingo da .

Aurrerapen gisa Larrabetzun eta Zamudiko azoketan arropa salgai ipini dugu.

Orain, Txepetxa euskaltegian azaroaren 15 arte salgai dugu.

Nahi izanez gero katalogoa ere badaukagu.

Batzuetan horrela dirudi, ezta?
Batez ere euskara ikasten ari garenean eta euskaltegian irakasleak zerbait galdetzen digunean.
Buruan oso argi dugu zer esan nahi dugun, baina esaldiak ez du burutik mihirako bidea egiten eta esan nahi dugun hori ez zaigu ahotik ateratzen.

Badakigu hasierako ahalegina dela zailena, lotsa galdu behar dela eta erabileraren poderioz, gero eta errazago mintzatzen garela. Bada, hori kontuan hartuta ekin dio AEK-k ikasturte honetako matrikulazio kanpainari.

Euskaldun aktiboak izateko zailtasunak dituztenei, euskaraz zerbait jakin arren askatzen ez direnei, inoiz egin eta ahaztu egin dutenei…AEK-k animatzen ditu guztiak eta bere bidean laguntzeko prest agertzen da.

ANIMA ZAITEZ eta lagun artean zure hizkuntza hobetuko duzu eta euskaraz biziko zara.
ONGI ETORRI
EUSKARAZ BIZI NAHI DUGUN HERRIRA.

Txorierriko AEKk Xabin Gaztañaga euskaltzalearen lana eskertuz, omenaldia egingo dio datorren igandean, irailak 21, Sondikako hilerrian eguerdiko 13:00etan.

Goierriztar honek Txorierriko lehen euskaltegia martxan jartzen parte hartu zuen eta euskaltegiari berak ipini zion Txepetxa izena.
Honegatik, kurtso hasieran, bere heriotzaren urte mugan, Txorierriko AEKko lagunek omenaldi xumea egiten diogu.

ZU ERE GONBIDATUTA ZAUDE.

Lagunen artean sentituko zara.

Euskara ikasi,kultura landu, berba egin.
Azterketa homologatuak bertan prestatu eta egingo dituzu.
esperientzia handia, hurbiltasuna.
EGA=3.Maila prestatzeko aukera zabala.

Nahi duzunerako, hemen gaude.

IRAILEAN: 2. eta 3. maila egiaztatzeko ikastaroa

Izena emateko uztailean edo abuztuan e-mail hau erabili: txepetxa@aek.org

Derioko Txepetxa aek euskaltegitik ekainaren 21ean, ikasturteari amaiera emateko postre on bat antolatu genuen, hainbat lan, eskola ordu eta ekitaldi desberdin egin ondoren, Arabar Errioxako bodega batzuetara txangoa.
Goizeko 9:00etan ikasle, irakasle eta hainbat aekide Derion elkartu eta mini-minibus batean abiatu ginen Bastida aldera.
Lehenengo geldialdia Remelluri bodega dotorean egin genuen. Bertan bisita gidatua egin eta dastatzeko ardo kopa bat eman ziguten. Lekua zoragarria, Toloño mendipean, mahastiz inguratuta. Aukeran “Reserva” eta “Gran reserva” ardoak dastatu eta eros daitezke. Etxalde irteeran altxor historikoa, Erremelluriko nekropolia ikusi genuen.
Hemendik Eskuernagara, urtero legez, euskaltegian ezaguna dugun “Poroporen” bodegara, Ruiz de Oña Calvete bodegara, hain zuzen. Bertan etxean bezala; ardo dastaketa ikastaro azkarra eta bereziki goraipatzekoa, 2006ko uztakoa eta diseinuko ardoa.
Hortaz gain, bestelako kontuak ere azaldu zizkigun, familiaren transmisioa, zelan lan egiten duten, zein arazo dituzten orain, nola moldatzen diren… eta gu hamaiketakoa eta ardoak dastatzen, eta aipatzekoa bertako ogia, zein goxoa!!
Eguerdiko 15:00etan, poz-pozik, Eskuernagatik Rivas de Teresora bazkaltzera, arkumea goxo-goxoa eta noski, bertako ardo gehiago. Ondoren lo kuluxka, eta txangoari amaiera kultural-historikoa emateko La Hechicera trikuharria ikusi genuen eta mini-minibusa ardo kutxaz beteta buelta etxera.
Datorren urterako jadanik zerrenda osatua daukagu, berriro Eskuernagara joateko! Txangoaren balorazioa BIKAINA!
Hurrengorako ateak zabalik, gustoa badozu apunta zaitezke laguna.

Arabar Errioxara txangoa egingo dogu

ekainaren 21ean

Irteera goizeko 9:00etan Deriotik

Izena emateko azken eguna ekainaren 17an

ANIMATZEN BAZARETE ETORRI!

EGA
1.,2.,edo 3.maila
hobetzeko ikastaroa

eta horrez gain:

DBH:
uztailaren 1tik 30ra
ordutegia: 09:15-13:15

ikastaroaren balioa: 170€
(MINIMO 7 IKASLE)

oharra:
irteerak aparte ordaindu beharko dira.
Gurasoen baimena eskatzen da

Dagoeneko ZABALIK DAGO MATRIKULA EPEA udan ikasi gura duenarentzat.
Aukera desberdinak daude :::
1-Txorierriko AEKn uztailan trinkoa egiteko aukera
2- edo barnetegi batera 15 egunerako
3- edo Familia barnetegian
4-edo Barnetegi ibiltaria txirrindulaz ibiltzea gustatzen zaienarentzat.

Gure telefonoa 944543967
helbide elektronikoa: txepetxa@aek.org
Euskaltegiko bulego ordutegia:
goizez 9:30-14:00 arte
arratsaldez: 17:00-20:00