Larrabetzun izango da Literaturia, euskarazko literaturaren azoka, euskarazko literaturaren plaza urian. Kontzertuak, poesia emanaldiak, liburu aurkezpenak. literaturiatxoa, herri bazkariak, ... Denetarik egongo da Larrabetzun asteburu honetan.

Tximintxek ere bere aletxoa jarri du: liburutrukea.



Leidu euskaraz ba ...

Mugimendu badabil gure liburu trukean. Badakizue eskatu eta gozatu.
Badakizue, liburuak eskatzeko bi bide daude: telefonoz (635753595 telefonoan) edo posta elektronikoz (tximintx@gmail.com). Eta liburuak ekarri nahi badituzue, ba bide berak erabili ditzakezue.
LIBURUAK:

Narratiba/Eleberria

Marguerite Duras: MAITALEA, Ibaizabal, 1984 (Mikel Garmendia Ugarte)
Joseba Sarrionandia: LAGUN IZOZTUA, Elkar, 2001
Ramon Saizarbitoria: GUDARI ZAHARRAREN GERRA GALDUA, Erein, 2000
Laura Mintegi: ECCE HOMO, Txalaparta, 2006
Joan Mari Irigoien: BESTEA DA MUNDUA, Elkar, 2008

Saiakera
Lander Garro: EZ MERKEENAK! BAI ONENAK! ARGIA EUSKAL PUBLIZITATEA ABIAN, Alberdania, 2006

9 urtetik gorakoak
Pello M. Zabaleta: TXORIMALOARENAK, SM Baporea, 1992
José Luis Olaizola: BONI MARTÍNEN ISTORIOA, Anaya, 1987
R.A. Montgomery eta Paul Granger: ELURRETAKO GIZON NARDAGARRIA, Elkar, 1982

12 urtetik gorakoak

Joxerra Garzia: MALEN LABERINTO MADARIKATUAN, SM Baporea, 1986

Nikolai Gogol: SUDURRA, Elkar, 1992 (X. Mendiguren Bereziartu)


Helduen euskalduntzean irakurtzeko aproposak (5. urratsetik gora)

H. Rider Haggard: SALOMO ERREGAREN MEATZEAK, Elkarlanean, 1998

Robert Louis Stevenson: BOTILAKO DEABRUA, Elkarlanean, 2003

W. Shakespeare: HIRU ISTORIO, Elkarlanean, 2003

Ekainaren 6an, domeka, hitzordu garrantzitsua izango dugu Arrasaten!

Derioko jaiak badatoz ... Hurrengo asteburuan izango dira. Eta ohitura den legez, Tximintxek txosna jarriko du. Bertatik pasatu ahal zarete bokata gozo bat jatera edo lagunarteko giroan trago eder batzuk egitera.



Eta, zelan ez, barikuan, maiatzaren 14an .... kontzertu mundiala antolatu du beste behin ere Tximintxek. Honako hauek joko dute:

- Betagarri>


- Eta, ondoren, gaupasa

Baita bizkaitarrok ere. Horregatik Derioko Tximintx euskara elkarteak Iruñeara joateko deia egiten du, maiatzaren 15ean, euskaraz bizitzeko eskubidearen alde, kalera ateratzera. Gutako asko ezin izango da joan herriko jaien egun handia delako, baina hala ere ahal dutenei joateko ahalegina egin dezaten eskatzen diegu, merezi du-eta.


Informazio gehiago, blog honetan:

Aurten ere, LITERATURIA euskarazko literaturaren inguruko jardunaldiak izango dira Larrabetzun ekainaren 4, 5 eta 6an.
Aurten ere, apirila eta maiatzean, Larrabetzun, Txorierrin, Bizkaian eta Euskal Herrian literaturia motorrak berotzen joango da. Hona hemen apirilerako prestatu direnak:

* Apirilaren 12-16: Yolanda Arrieta idazketa tailerra emoten dabil Larrabetzuko eskolako 5.mailako umeari.


* Apirilaren 15a: Ruper Ordorikaren kontzertua Lezamako frontoian 22:30etatik aurrera. ZORRIZKETANen 11 urteak ospatuteko be aprobetxatuko dogu. Sarrera 10€.


* Apirilaren 17an: LITERATURA ESKOLAk antolatuta, Itxaro Bordak Allande Oihenarti buruzko eskola arteztuko dau, Oreretako Mikelazulo elkartean goizeko 10:00etatik eguerdiko 14:00etara.


* Apirilaren 22a: Eider Rodriguezek KATU JENDEA liburua aurkeztuko dau 20:00etatik aurrera Larrabetzuko Anguleri kultur etxean.


* Apirilaren 28an: Raul Zelik idazlearen LAGUN ARMATUA liburuari buruzko solasaldia egingo da 19:00etatik aurrera Basauriko Euskarabila elkartearen lokalean. Moderatzailea Harkaitz Cano izango da eta Edorta Matauko eta Petra Elser itzultzaileak arituko dira berbaz.


* Apirilaren 30ean: Txorierriko Berbalagunek antolatuta, BIKO TEATROAk Larru haizetara eskainiko dau Larrabetzuko HORI BAI gaztetxean gaueko 22:30etatik aurrera.

Eta Derion sarrerak salgai .....

Gipuzkoan hasiko dugu bira, Beterrin. Aduna herri txikia da, 350 biztanlekoa. Andoain eta Billabona artean dago, Zizurkil eta Asteasutik gertu. Donostiatik 18 kilometrotara dago Aduna. Deriotik joateko biderik laburrena A8 autopistatik da. Zarautz pasatuta, N1 errepidea hartu Gasteizerako norantzan. Andoain pasatuta Andoain-Aduna izeneko irteera du autobideak.



Herri gune txikia du Adunak. Bertan daude udaletxea, frontoia, taberna-ostatua, soziedadea eta eskola. Dena eskura. Hala ere, betidanik izan du Adunak herri izaera gotorra. Izan ere, Tolosa eta Donostia artean ibili da urteetan, XIX. mendearen amaieran independentzia lortu zuen arte.
Ikustekoak baditu Adunak. Herriguneaz gain, baserri ederrak ditu herriak. Mendi bueltak ere egin daitezke Adunatik bertatik. Ez dira oso gogorrak, edonork egiteko modukoak dira. Interesgarriena Belkoain mendiko igoera da.


Hala ere, beste batzuk dira Adunaren berezitasun nabarmenenak. Negu partean Adunan dauden sagardotegi biak, Zabala eta Aburuza, Aburuza eta Zabala. Eta uda partean AEK-ko barnetegia eta Adunako jaiak, abuztuaren 15ean. Eta jaietan batez ere oilasko jokoa.
Zer da oilasko jokoa? Herriko gazteak baserriz baserri ibiltzen dira oiloak jasotzen, mozorrotuta. Behin baserri guztiak bisitatuta, herriko plazara itzultzen dira. Bertan oilasko guztiak jarrita, herriko gazteak begiak estalita, oilaskoak akabatu behar dituzte igitaikada bakar batekin. Ondoren, oiloekin herri bazkaria egiten da herrian.


Informazio praktikoa:

- Non lo egin?
Zabale nekazal-turismoa: http://www.nekatur.net/zabale
Uztartza ostatua: 943 693 481 Herriko plaza

- Non bazkaldu/afaldu
Aburuza sagardotegia: http://www.sidrasaburuza.net/index_euskera.htm
Zabala sagardotegia: http://www.rzabala.com/esk/presentacion.htm
Benta jatetxea: 943 693 094 Elbarrena 30. Parrilla eta arroza txirlekin. Edukiera: 50 pax
Urritza jatetxea: 943 693 396 Urtaki industrialdea. Eguneko menua. Edukiera: 150 pax.
Uztartza jatetxea: 943 693 481 Herriko plaza



Inguruetan zer egin:
* Leitzaran haranean ibilaldiak eta ondarea
* Zizurkil herria
* Tolosaldea

- Informazio gehiago Adunari buruz:
* Udala
* Wikipedia
* Tolosaldeko hitza

* Aiurri herri aldizkaria

* Euskararen normalizazioa Adunan

Joan Mari Torrealdai, Iñaki Uria, Txema Auzmendi, Martxelo Otamendi eta Xabier Oleaga 'Egunkaria'-ko itxiera kasuko auzipetuak zigorrik gabe utzi ditu Espainiako Auzitegi Nazionalak, deliturik ez zutela egin argudiatuta. Epaimahaiak aho batez hartu du erabakia. Kazeta ixteko erabakia Espainiako Konstituzioaren aurkakoa dela dio epaiak eta, adierazpen askatasun eskubidea dela-eta, kazeta itxi aurretik beste aukera batzuk bazeudela. Guardia Zibilak itxi zuen euskarazko kazeta, 2003an.
Albistea berria.info-tik hartua.